2007年4月28日 星期六

會考化學(10)

今日開始想同同學仔講吓每個Chapter重要嘅位,唔好睇小e d points呀,如果同學仔守住e d points唔錯嘅話,可能可以攞高一個grade。

係第一章大氣(atmosphere)裡面,同學會對熔點、沸點與物質三態嘅關係都會容易混淆,所以係會考成日出o架。

熔點(melting point)係指物質由固態轉成液態嘅溫度(solid --> liquid)。如果果樣物質嘅熔點係高過25°C,佢就係固體o黎。

沸點(boiling point)係指物質由液態轉成氣態嘅溫度(liquid --> gas)。如果果樣物質嘅沸點係低過25°C,佢就係氣體o黎。

如果25°C係位於果樣物質嘅沸點同熔點之間,佢就係液體o黎。

你可能會覺得化學友咁淺嘅o野都講,有冇攪錯呀。但係化學友發覺每次考e樣o野,d同學仔就勁錯wor。想知自已識唔識,就做下面幾條mc丫,其中有d係奸奸地:

1. 2004 PaperII 29

2. 2005 Paper II 3

3. 2006 Paper II 6

另外一樣要留意就係問過裝石灰水Ca(OH)2果樽口果d白色固體係咩黎? 答案就係CaCO3。係由於石灰水同空氣嘅CO2反應而成(Ca(OH)2 + CO2 -->CaCO3 + H2O)。睇吓e條mc
2004 Paper II 11。

至於第二章Microscopic world(微觀世界)裡面,同學仔記住留意下面幾點:

1. Definition of isotopes(同位素定義) - Atoms of same element which have the same number of protons but they have different number of neutrons. (相同元素內的不同原子,它們之間有相同的質子但有不同的中子數目。)


2. 留意1998 Paper II 1同埋2002 Paper II 1,關於electronic arrangement (電子排佈),有d tricky。

3. 留意1998 Paper II 33、1999 PaperII 11同埋2001 Paper II 18,佢地好相似o架,係關於structures and properties,有機會番炒。

4. 留意一d平日o向書本甚少見到嘅化合物嘅電子結構圖畫法。例如:S2Cl2 and H2O2(d考生成日畫錯e兩個圖o架:

2007年4月27日 星期五

會考化學(9)

頭先收到Clara電話(化學友嘅F5學生,佢成績一向都好好),佢話好擔心,因為做左成七,八份mock exercise,long question就做得幾好,但係mc一般就只係o岩得43條左右(一般o黎講,CE chem mc最少要o岩45條先會A)。其實clara太擔心o者,化學友對佢就好有信心喇,佢應該會A嘅。因為好似2006年咁,化學友就只係得14個學生o向mc獲A,但係turn out出o黎就有21個人A,類似現象2005同埋2004都一樣。咁即係話,化學友獲A嘅學生o向long question嘅表現足以compensate左mc嘅失分。所以,同學仔記住要用多d時間practise long question,因為long question對你得到乜o野grade比mc重要得多。(同學仔可能會問點解化學友會知有幾多人mc獲A。其實每間學校每年比少少$,就可以知道學生o向會考每科mc嘅表現。)

會考化學(8)

同學仔唔好意思,因最近好忙,所以化學友post d 考試攻略同埋回覆問題比較慢,化學友e兩日如果有時間會寫多d o野o架喇。大家一齊add oil啦!!

今次化學友想同同學仔講吓paragraph length(段落式) question(一般人叫e d題目做essay),大家一定要對佢嘅出法要有d認識。同學仔做過05同埋06pastpaper都知道卷一有兩條呢d題目,一條出自核心部份而另一條出自延展部份。一般o黎講每條佔9分,6分係內容分而3分係傳意技能(communication)。

通常6分內容分即係要答6個points,記住at least要寫到6個points先好停手。仲有訝chem essay唔使要求你寫引子同埋結尾o架,所以唔好waste time去寫呀‧

至於傳意技能嘅3分係依據以下條件俾分:

1分係俾以paragraph length寫出(即使唔係用point form或者table,而係一段一段咁寫出o黎)

另1分係俾文章嘅前文後理通唔通順(如果用english寫essay,accuracy of using english都計埋o架)

最後1分係俾無化學知識上嘅失誤(例如你寫combustion of fuel in factories會產生CO2, SO2,而CO2 同埋SO2會引至global warming就會冇左e一分,因為SO2係唔會引至global warming)

至於今年化學友嘅熱門心水題包括

核心部份:
(i) Metal extraction (金屬提取);
(ii) Neutralization (中和作用);
(iii) Preparation of chlorine bleach and its reactions (氯漂白水製備及反應);
(iv) Preparation of sulphuric acid and its reactions (硫酸製備及反應);
(v) Distinguish different types of organic compounds (辨別不同類型有機化合物)
延展部份:
(i) Aluminium corrosion and anodization (鋁的腐蝕及陽極氧化);
(ii) Design experiment related to titration (設計與滴定法有關實驗);

(iii) Design experiment on rate of reaction (設計反應速率實驗)
(iv) Compare and contrast of soapy and soapless detergent (比較皂性與非皂性清潔 劑)


最後要remind同學仔:

1. 寫essay要用complete sentence。

2. 盡量唔好寫symbol或者formula,要寫全名,例如唔好寫C同埋NO要寫carbon同埋nitrogen oxide。

3. 一般唔好用多過十分鐘寫一條essay,你會冇時間做其他題目o架。

回應(會考化學)

回應

Maryuen:
1. 我還想知道dilution of acid/alkali是不是都是exothermic?而dissolve NaOH pellets in water呢??can you explain?

2. polyvinyl chloride是可以用來make electrical insulaton for wires,但它不是thermosetting plastic,這樣都可以嗎??

3. wt is topax?(out c?)wt is monosodium glutamate?(out c?)wt is bronze?(out c?)

4. 是不是all non-metal produce acidic oxide?

化學友:
1. Yes ah。diliuting conc. acid、conc. alkali或者NaOH pellets都係exothermic (一般會考唔會問diluting dil. acid或dil. alkali,因為可能冇熱放出。所以考試一定係diluting conc. acid and conc. alkali)。

至於explanation呢就真係out c,要o向AL chem先會學。CE 程度好難解釋,而且唔會考o架。

2.係可以o架。因為thermosetting plastic好hard同埋rigid (因為有cross-link),如果用佢o黎做insulation for wire,咁條電 線咪唔彎曲得同埋轉彎lor。所以insulation layer for wire都係要用thermoplastic o黎做,因為佢冇咁hard同埋rigid。

3. 冇錯呀,全部都out c o架。

4. 大部份non-metal oxides都係acidic,例如,CO2, SO2, SO3, NO2, Cl2O....etc。但係有小部份唔係,例如CO同埋NO就係neutral而唔係acidic。

(P.S. CO, CO, SO2, SO3, NO, NO2, Cl2O e幾隻oxides係CE常見嘅non-metal oxides)

OK ma maryuen?

2007年4月26日 星期四

回應(會考化學)

回應

Maryuen:
(6)2004 past paper 9cii2can i use water?

(7)What is duralumin?

(8) 2003 past paper 3biwhat is formula unit stated in the marking scheme?

(9) HBr and conc. H2SO4是什麼reaction?

(10) conc. H2SO4和sugar的reaction observation要write "the heat produced expand air inside the black carbon and rise it up"嗎??

(11) conc. H2SO4 used in the preparation of HCl and HNO3 acid out c了嗎??

(12) H2SO4 ionizes in water to give H3O+(aq) ions??

(13) H2SO4的half equation到底是什麼??

化學友:
(6) 唔得o架,一定要H+。因為只有H+先會react with RCOO- (RCOO- + H+ --> RCOOH)

(7) duralum係由aluminium做成嘅alloy(合金),佢比aluminium more corrosion resistant同埋stronger。

(8) e o個term可以唔使識o架,其實你唔使學佢咁做,用你平日計mole嘅方法做就得o架喇。

(9) maryuen,你o向邊度見到e o個reaction? 照計out out地syllabus。不過寫比你睇下:

2HBr + H2SO4 --> Br2 + SO2 + 2H2O

e o個係redox reaction(因為Br嘅O.N.由-1 change to 0; 而S嘅O.N.由+6 change to +4)

(10) 一般會考答案唔係咁寫,你只要寫成咁就得喇:

i. sugar chars (sugar turns from white to black)

ii. misty fume(H2O(g) is given out

(11) out左喇

(12) 你可睇o下下面回覆pele159嘅答案,你地問緊同一樣o野呀。

(13) H2SO4 + 2H+ + 2e- --> SO2 + 2H2O 或者 4H+ + SO42- + 2e- --> SO2 + 2H2O
第一條accurate d 但會考兩條都接受。

回應(會考化學)

回應1

pele159:
H3O+(aq) ions = H+ ion ?

化學友:
pele159,你係唔係o向2003 Paper I Q4嘅marking見到H3O+ e o個答案呀?其實H3O+係同H+一樣o架。你o向CE考試寫H+就得喇,H3O+ out of syllabus o架。

回應2

maryuen:
你好!化學友~之前,我問過你一些問題~可是你還未回應我~我現在多post一次,麻煩你了~

(1)就是SiO2是一個giant covalent compound嗎??如果是,那為什麼沙都是一顆顆十分細小的?它跟SO2的分別又是什麼??

(2)2004 past paper 2awhy the marking scheme say that table salt gives misty fumes?

(3)2004 past paper 6aivhow to deduce the formula?好像很難的樣子..

(4)2004 past paper 8ciiwhy rinsing the mouth can lower the concentration of ethanol in breath?

(5)how to explain that the metal is malleable in term of its structure

化學友:
maryuen, sor 呀,因為化學友o向學校好多o野做,而又幫緊d F5學生prepare CE chem,所以未有時間答你d問題,e家答住你部份問題先喇。

1. maryuen我地唔會叫SiO2做giant covalent compound,咁寫o向會考有機會扣分o架,我地應該叫佢做compound with giant covalent structure。冇錯,理倫上每粒Si同埋O atom都係用covalent bond連埋,而隻compound嘅size應該冇窮冇盡咁大。但係e d 只係理倫o黎,世界上有好多種原因e.g. weathering會將compound with giant covalent structure變細。

SO2同SiO2唔同,SO2係由molecules組成,molecules之間有van der Waals forces,而S同O之間係covalent bond。所以SO2係compound with simple molecular structure。

2.因為發生左下面o個reaction:

NaCl + H2SO4(conc) --> NaHSO4 + HCl
white fume

e o個reaction有少少out of syllabus,不過都值得知道嘅。

3. Water (H2O) is an oxide of hydrogen. Electrolysis of water in the presence of sulphuric acid gives hydrogen and oxygen in a volume ratio of 2 : 1.

(i) Suggest suitable electrodes to be used in the electrolysis.

(ii) Write the half equation for the reaction at the cathode and that at the anode during the electrolysis.

(iii) What is the function of sulphuric acid in the electrolysis?

(iv) Is it possible to deduce the formula of water from the results of the electrolysis? Explain your answer.


其實由(ii)嘅答案,你可知道how to deduce:

anode: 4OH-(aq) --> O2(g) + 2HO(l) + 4e-

cathode: 2H+(aq) + 2e- -->H2(g)

咁即係話如果有4粒e-經過circuit,就會產生一粒O2同埋兩粒H2(即係H2:O2 = 2:1)。d H2同埋O2都係由水o黎,所以H同埋Oo向水裡面嘅比例都係2:1,而formula就係H2O。

4. 原本口裡面有ethanol,rinse之後將水吐出,口裡面ethanol嘅amount就少左好多。咁樣就冇乜ethanol由口腔去到鼻腔,所以concentration of ethanol in breath decreases。

5. Metals can be considered as making up of positive ions and a ‘sea’ of delocalized electrons. The attraction between themetallic ions and the delocalized electrons holds the particles together (metallic bond). Metallic bond is non-directional. Layers of atoms can easily slide over each another. Hence, metals are malleable.

就算會考問你why metals are ductile,答案一樣。

2007年4月24日 星期二

回應(會考化學)

回應

pele159:
你好 我有少少問題

1. 請問 detergent 有 branch 係咪唔 可以溶在水 ??不過點 g 稱為有 branch ??

2. solid citric acid 點解可以 turn moist blue litmus paper red ??

3. 請問整soap 中的 NaOH/H2SO4 係咪catalyst ??我呀sir 話係,不過我問同學,佢地又say no

4. Refer to 03 第9(a)題如果the inert electrode A is copper plate , the B is zinc rod .Sulphur is ZnSO4, sodium is CuSO4 In what the direction would the sulphate ion pass through the porus pot ? Explain your ans .

你可否比一比你個e-mail 我 ??我有圖但唔識 upload,問唔到 ....

化學友:
pele159,答住你部份題目先啦,因為而家畫唔到圖呀。

2. 因為moist blue litmus paper上面有水(即係moist),部份solid citric acid dissolve o向d水到give out H+ ion,所以moist blue litmus paper turns red。

3.pele159,製造soap係要用NaOH(但係唔使用H2SO4;H2SO4係用嚟做soapless detergent)。NaOH有兩個作用:

i. as a catalyst in the hydrolysis of fat/oil

ii. 同hydrolysis裡面形成嘅carboxylic acid neutralize生成salt of carboxylic acid(即係soap)。

所以你阿sir係啱o架。

4.如果好似你咁講,ZnSO4(aq)就會越嚟越多Zn2+,因為Zn electrode gradually dissolves to give Zn2+(aq),即係e部份嘅 electrolyte越嚟越+ve(因為Zn2+多左,但係SO42-冇多到冇少到)。而CuSO4(aq)就會越嚟越少Cu2+,因為Cu2+(aq) deposites on the Cu electrode,即係e部份嘅 electrolyte越嚟越-ve(因為Cu2+少左,但係SO42-冇多到冇少到)。為左中和d charge,SO42-就會由CuSO4 move to ZnSO4,令到兩面嘅electrolytes唔會太+ve或者-ve。明唔明呀?

pele159,你可以send幅圖去e嗰email丫: friendium@gmail.com