2007年4月22日 星期日

回應(會考化學)

回應1

maryuen:
1. 我想知道什麼時候有depolymerizaton and 它是怎麼發生的??(有沒有example,會考有沒有機會出??)

2. 另外..2001 past paper 5那個anodization要不要寫eletrode的名?? sacrificial protection要寫example嗎??是不是所有essay都要有引入??

化學友:
1. maryuen,其實depolymerization o向近年嘅CE chem都好少好少出o架,化學友覺得就算出都會好容易嘅。你只要當佢係polymerization嘅相反就得o架o拉。例如:



睇到嗎maryeun o個reaction只係polymerization嘅相反。至於reaction conditions,一般都係high temperature同埋in the absence of air(否則d polymer會burns) 。

2. 2001 Paper I 5 : Explain why anodization, sacrificial protection and tin-plating can protect metals from corrosion. (9 marks)

maryuen,其實寫唔寫都冇問題o架,因為anodization一定係將aluminium做anode,所以唔都ok。2005嘅marking就冇要求你寫example,但係有時你唔知邊一年marking要寫example,所以化學友suggest你o向考試寫埋啦。CE chem嘅essay係唔使寫引子o架,一般9分嘅題目你寫夠6個points(6分)就滿分o架啦(其餘3分就係communication分)。關於essay嘅detail information,遲一、兩日再講比大家知丫。maryuen唔明再問我啦。

回應2

sinying:
1. 唔好意思........我想問ionization 同埋dissolve in water係點分架?HCL 係dissolve water 定ionize???咁NACL呢?

2. 我仲想問呢....Al2O3都係dehydrating agent 來的嗎?仲有d咩compond 係dehydrating agent呀??THX!!

化學友:
1. sinying,化學友唸你對一隻substance dissolves in water嘅方法唔係太了解。其實一隻substance dissolves in water係有唔同嘅途徑,下面係CE chem常見嘅,例如:

i. sugar溶落水。sugar只係simply dissolves in water,佢同水冇化學反應,溶之前佢係exist as sugar molecule,溶之後佢都係exist as sugar molecule。

ii. Na(s)溶落水。Na加落水時,Na同水產生化學反應生成NaOH(s)。而NaOH(s)係溶o向水to give NaOH(aq),所以Na溶水係因為佢同水有化學反應。

iii. NaCl(s)溶落水。NaCl(s)裡面o個d Na+ ion同埋Cl-ion溶之前係 not mobile嘅,溶之後Na+ ion同埋Cl-ion變左mobile,同sugar一樣佢同水冇化學反應。

iv. HCl(g)溶落水。HCl(g)溶之前佢係exist as HCl molecule,溶之後發生ionisation:HCl --> H+ + Cl-,而H+同埋Cl-都係溶落水嘅。

簡單o黎講dissolve in water同ionisation冇乜關係,只不過有時一隻substance溶落水會發生ionisation咋。好似HCl咁,佢溶落水時會發生ionisation。

2. 凡親一隻substance可以將某一compound裡面嘅H同O remove 變成H2O, 佢就可以叫做dehydrating agent。CE chem syllabus裡面當我地剩係知遒conc. H2SO4係dehydrating agent,其他o個d dehydrating agent係唔使記,只要我地o向考試時見到隻substance可以將一隻compound嘅H2O remove,佢就係dehydrating agent o架喇。例如,



根據上面嘅定義,conc.H2SO4, Al2O3同埋P2O5都係dehydrating agent。唔使死記o架。答唔答到你呀sinying?

2007年4月21日 星期六

mechanism(AL5)

今日化覺友想講o下AL嘅org chem。Org chem 係今個syllabus大改咗,改以mechanism為主,每個functional group都要學一個mechanism 。其中有d都係同上一個syllabus相同,例如

1. alkane嘅free radical substitution

2. alkene嘅electrophilic addition

3. haloalkane嘅necleophilic substitution (SN1 and SN2)

4. carbonyl compound嘅nucleophilic addition


新加嘅就有

1. benzene嘅electrophilic substitution

2. carboxylic acid and its derivatives嘅nucleophilic acyl substitution。


其實e兩個mechanisms係前兩代嘅syllabus已經有o架啦。只不過係舊瓶新酒o者。

每一年AL exam都要同學仔寫其中一、兩個mechanisms,當然今年新加o個兩個就最大機會啦。所以化學友想講下e兩個mechanisms。首先,講嘅係benzene嘅electrophilic substitution,課程指定嘅example係mono-halogenation of benzene。 以下就係mono-chlorination of benzene嘅mechanism,同學仔一定一定要記熟呀:



下面係化學友做嘅simple animation,睇o下對你有冇用丫(按下先睇到):




教統局都有做咗幾個mechanisms嘅animations幫同學仔學習,可以去e個網址睇吓,做得幾好o架:
http://cd1.emb.hkedcity.net/cd/science/chemistry/s67chem/reaction_mechanism_animation_e.swf

最後就係俾條題目大家唸吓,考吓自己識唔識啦!
Methoxybenzene when treated with a mixture of concentrated HNO3 and H2SO4 gives 4-methoxy-1-nitrobenzene as one of the products. Outline a reasonable mechanism for this reaction.”

2007年4月20日 星期五

會考化學(7)

同學仔,化學友o向之前分析左今年CE chem熱門嘅topics。但係記住呀除左o個d之外,仲有下面e幾個topics差o吾多年年都出o架,化學友比幾條typical pastpaper你o地,一定要做熟佢先好去考試呀。

titration(滴定):

1.1999 Paper I 7b

2. 2003 Paper I 8b

3. 2004 Paper I 7a

rate of reaction(反應速率):

1. 1994 Paper I 8

2. 2004 Paper I 8

electrolysis(電解):

1.2001 Paper I 9

2.2003 Paper I 7

2. 2005 Paper I 9

molar volume (摩爾體積):

1. 1998 Paper I 7b

2. 2000 Paper I 9a

3. 2002 Paper I 8a

化學友長氣咁講多次,記住做熟佢呀!!! 最後,記住做埋2005同埋2006嘅pastpaper,都有機返炒o架。下次化學友會同同學仔講下paragraphy-length question即係esaay呀。

回應(會考化學)

回應

Maryuen:
你好,化學友我想問C4H9OH->C4H8+H2O這個reaction什麼時候會發生??有沒有depolymerizaation??

化學友:
maryuen,我唸你e條問題同2004年CE chem mc差o吾多一樣:

2004 Paper II 27
Ethene can be prepared by heating ethanol with excess concentrated sulphuric acid. The reaction involved can be represented by the equation:

CH3CH2OH --> CH2=CH2 + H2O

The type of reaction involved in the preparation is

A. cracking.
B. condensation.
C. addition.
D. dehydration.

答案係D。e o個reaction有少少out of syllabus,但係你見到reaction之後ethanol(CH3CH2OH)會唔見左o個水(H2O)變成ethene,所以e o個reaction定為dehydration(脫水反應)。

通常當ethanol is heated with a dehydrating agent,例如conc. H2SO4或者Al2O3時,dehydration就會發生o架啦。

maryuen,你要留心呀e o個reaction同depolymerization一d關係都冇,depolymerization係發生o向polymer身上,而你見到e o個reaction冇polymer存在(只有ethanol),所以一定唔係depolymerization。

回應(AL)

回應

Watson:
請問如果我想ethanal轉ethanol.可以寫NADH + H+嗎?

化學友:
Watson,雖然NADH+H+ 係可以reudce其他substance,但係考試o個時只係會o向 bio嘅respiration裡面用,考chem時係o吾接受e 隻o野o架。一般AL chem exam裡面將ethanal變成ethanol都係用下面兩個reactions:

仲有呀,用LiAlH4做reducing reagent時一定要寫(1)同埋(2),如果就咁寫"LiAlH4/ether, H2O"會冇分o架。因為如果咁樣寫係當你將LiAlH4同H2O同時撈埋一齊,LiAlH4會react with H2O immediately to give H2,LiAlH4就會失去reducing power o架啦。OK ma watson?

2007年4月19日 星期四

回應(AL)

回應

02sing:
我想問下今年 syl 入面有咩係新加架?green chem 好似係..唔知點溫呀.. 點算好呀......

化學友:
02sing,你可以睇返化學友嘅第一篇文章(3月),o個度寫左邊d係新加嘅topics,如果唔清楚,再留言比化學友丫。

02sing,好多同學仔都覺得green chem 好似讀左等於冇讀咁。其實唔使太驚o架,化學友好有信心green chem會好似下面嘅pastpaper咁,同其他topics一齊考:

1. 2003 Paper II 1c

2. 2006 Paper II 6b

仲有呀,記住下面o個12個green chem嘅 basic principles:

1. waste prevention

2. real-time analysis for pollution prevention

3. minimize the potential for accidents

4. design less hazardous chemical synthesis

5. design safer chemicals

6. design for energy efficiency

7. design for degradation

8. maximize atom economy

9. use safer solvents and auxiliaries

10. use renewable feedstocks

11. reduce derivatives

12. use catalysts

其中,8-12點最重要,一定一定要記得!!!因為考試會問你點解reaction A is better than reaction B in terms of green chemistry,通常你會用8-12點o黎做comparison。如果你冇乜時間,化學友suggest你可以睇下C C Lee 嘅green chem關於8-12嘅detail部份,唔係好多o架。不過,theory部份其實唔使睇太多,最重要係睇書裡面o個d examples,你會知道考試會點考o架喇,對你好有幫助。

最後,記住做熟atom economy嘅數,今年AL chem都幾大機會會出同埋勁易計錯o架。

02sing,加油同埋盡力呀!!!

回應(會考化學)

回應1

sinying:
我想問呢molecules 的3D stucture(不是指ionic struture o個d)同埋brown ring test,flavourings係唔係唔駛考架?thx

化學友:
sinying,唔使擔心呀,3D structure, brown ring test同埋flavourings全部都係out of HKCEE syllabus o架。

回應2

gladiolus:
你好,我係會考生,我想請問一d野
Which of the following is often used as a primary standard?
A.hydrochloric acid
B.oxalic acid
C.calcium hydroxide
D.sodium hydroxide
Why?

化學友:
答案係B 呀。gladiolus,可以做primary standard嘅chemical一定要
1. stable in air (唔容易decompose同埋唔會同空氣有化學反應。)
2. non-volatile (如果隻chemical volatile(揮發性),咁佢嘅solution嘅concentration會慢慢跌。)
3. 唔吸moisture in air(空氣裡面嘅水)(吸左d水,重量會多左,咁measure嘅weight就唔準)
4. 好pure

仲有其他criteria o架,不過上面o個d係最重要嘅。citric acid fulfil 到上面嘅條件,所以可以做primary standard。

NaOH唔得,因為佢會吸moisture in air同埋react with CO2 in air (2NaOH + CO2 --> Na2CO3 + H2O)

Ca(OH)2唔得,有好多原因,其中一個同NaOH一樣,佢會react with CO2 in air (Ca(OH)2 + CO2 --> CaCO3 + H2O)

HCl(aq)唔得,因為HCl volatile。

明白嗎gladiolus?