2007年6月10日 星期日

回來了

各位同學仔,對唔住呀化學友因之前太忙同埋之前唔知部comput做乜login唔到e個blog,所以同大家見唔面,今日開始化學友會再答各位同學仔o既問題。因為學校近期有d大轉變,化學友要spend多好多時間take up d duty,所以可能只可以慢慢答同學仔o既問題,希望同學仔見諒啦。

無名人:
老師,我想問問在electrolysis 裏用dilute sodium chloride 所得的product 是否和concentrated 的相同(chlorine 和 hydrogen)?我校老師這樣的分:very dilute, dilute, concentrated where dilute=concentrated。

化學友:
無名人叫我做化學友得啦,唔好叫老師喇。你學校o既老師係o岩o架。雖然真實上both oxygen and chlorine may be evloved at the anode at the same time當 electrolyzing dilute NaCl,但係o向CE level為左令各同學仔容易d讀,就simplify左當dilute and concentrated NaCl都只係出Cl2。仲有呀,正常o黎講CE只係會考electrolyzing very dilute NaCl (出O2)同埋electrolyzing concentrated NaCl (出Cl2),好少好少出electrotrlyzing dilute NaCl o架。 OK ma無名人?

natalie chemistry:
Hello~化學友...第一次上黎問你野...好多呀sir都話08年既chemistry會好難咁你又覺得點呢??^^因為我係08年會考生...所以都幾擔心呢個問題thx

化學友:
natalie化學友唸d阿sir話08年深係冇乜根據o架,因為好多時份卷深唔深係depend on o個年考評局examination board d members出卷o既style適唔適合o個年d考生答,通常深唔深都係事後孔明。好似CE chem咁,2002 - 2005都唔係好深,2006就勁深,2007又少少深(雖然好多人話今年份卷容易,但係其實好多考生section B都答得好差。),其實冇乜pattern可見。

仲有呀,化學友發覺無論o個年深定淺,化學友大約都係有差唔多數目o既學生欏A-C,因為CE chem係拉curve。如果個考生係能力高 o既,無論份卷幾深佢o既成績都係排得好前,最後拉curve後佢都係會欏A。所以natalie信化學友丫,只要妳e家開始盡力提升妳d chem o既ability,無論2008年份卷幾深,妳o既成績就o吾會差得去邊o架啦。add oil呀!

送首歌比各位同學仔呀,e首歌近排比左好多動力同埋support化學友,otherwise,化學友過去一個月一定過得好苦:

2007年5月13日 星期日

2007化學奧林匹克

上幾個星期化學友同幾個學生去左香島中學睇一年一度嘅化學奧林匹克(Chemistry Olympiad)比實,除左去學吓o野同埋觀摩吓各隊表現之外,順便都見o下d幾個月冇見嘅老友。

今年嘅主題係chemistry in commercial products。決賽Present嘅六組同學都搵咗d唔同嘅commercial products去分析同研究: 螢光棒、染髮劑、洗衣液、解酒藥、螺旋藻片同埋驅鳥劑。

講真,六組同學嘅表現幾出色,見到佢哋都花咗唔少心機去準備,係一場高質素嘅比賽。化學友唔想o向e度慢慢講d關於o個日化學嘅內容,反而化學友想講講o個日嘅冠軍St. Paul’s Convent School。其實o個日未宣報邊個係冠軍,化學友都100%肯定St Paul會得到champion o架啦。佢地o個日嘅表現可以話接近完美,勝出係實至名歸。如果同學仔有參加o個以前d chemistry或者science嘅competitions,都會知道St Paul係常客,而每次佢地都會有好好嘅表現。一次成功仲可以話係luck,但每次都有高水準表現就一定係有佢地成功之處。化學友發覺最明顯St Paul比其他學校好嘅地方係佢地每次比賽都可以做到”以終為始”,而一般學校好多時都做唔到。同學仔可能會問乜o野叫做"以終為始" ? 簡單o黎講就係每決定做一件事時,第一樣o野要做就係要定下明確目標先,然後所有過程都係向住e o個目標出發。用St Paul為例,佢地o個project係compare染髮劑,而佢地做嘅每一個experiment或者investigation都係有明確咁為左compare染髮劑而做,唔會左右搖擺。反觀其他學校或多或少都有d守唔住目標,佢地好多時都係為左做實驗而做實驗,而o個d實驗同佢地嘅target係冇乜關係,當d judge問佢地為乜做e o個實驗,同常佢地都唔係好知點解。就係因為有e o個分別,好多時St Paul參加competition都會欏到好成績。老土d咁講,每個人成功都一定有佢嘅優勝地方,絕非僥幸o架。化學友希望同學仔以後參加任可science competition都一定要記住”以終為始”,咁樣你地得到好成績嘅機會就大好多o架啦。(P.S. 同學仔唔好以為化學友o向到同St. Paul賣告白,化學友同St. Paul一d關係都冇o架,只不過化學友真係幾欣賞佢地嘅表現,覺得同學仔參加competition時可向佢地借鏡咋。)

有興趣睇吓Chemistry Olympiad嘅同學仔,可以去e個website睇睇丫:

http://www.hkasme.org 搵 ”HKChO-12th”

2007年5月12日 星期六

曼聯----2007 champion

Go!Go!Go! 曼聯終於欏到聯賽冠軍啦!!!化學友支持左man utd16,7年o架喇,e幾年man utd嘅performance真係令化學友有d失望。但係今年化學友終於可以再次見到曼聯奮力一戰嘅表現,令到本來輸嘅比賽變左打和,和嘅比賽變左贏,好touch呀。講真,化學友覺得今年曼聯嘅overall實力係及唔上車仔,liverpool,甚至arsenal,但係佢嘅鬥志加上少少幸運所以先win到chmapion。希望o黎緊費sir買多d好嘅球員喇,唔好再亂買人喇!!!!!!

Yeah! 曼聯必勝!!!!!!



回應

回應1

Pinky:
你好,化學友。
我想請問一下如何才能學好chem,
我是指在CE 摘B OR A。
駛唔駛睇多D課外書架CHEM?

化學友:
pinky,你條問題幾難答呀,因為各施各法,好難一概而論。不過化學友發覺自己大部份欏A嘅學生都有一個共通點-----佢地都做得幾多exercise。因為好多時你讀完一d concept,以為自己好明,但係一做exercise,先知自己唔識用o架。多做exercise真係好有用o架,可以令到你溫習事半功倍。坦白講,化學友dF5學生平均每年大約有30% chem欏A,而化學友覺得佢地唔係個個都好聰明,但係好多都係做得exercise多所以先欏到A。化學友深信"practice makes perfect",Pinky你可以試o下e個方法對你有冇幫助呀。

回應2

Wa:
化學友你好...

i would like to ask u one qu abt the chemical reaction in the lemon cell (silver / copper)

1. will copper be dissolved , ie oxidised?...

2. wt would happen if we use nacl soln instead of lemon...?

thx!!!

化學友:
1. Wa, 因為Cu is more reactive than Ag,所以o向lemon cell裡面Cu會lose electron而形成Cu2+:

Cu(s)--> Cu2+(aq) + 2e-

因此,copper會dissolves而變成Cu2+(aq)。仲有因為Cu嘅oxidation number由0變成+2,所以Cu is oxidized。不過化學友覺得你可能未學乜o野叫oxidation number,暫時黎講你可以當一隻element嘅charge增加時(e.g. Cu --> Cu2+),隻element就oxidized,但係當一隻element嘅charge減少時(e.g. Cu2+--> Cu),隻element就reduced。

2. 當NaCl instaed of lemon時,Cu一樣係會dissolve形式Cu2+,因為無論用乜o黎做electrolyte,都唔會影o向anode放電子嘅現象,Cu點都會變成Cu2+。而H2就會o向Ag到形成(至於explanation,你呀sir/miss遲d會教o架啦)。

回應3

ag925:
化學友你好...

i would like to ask u some qus abt a chemical cell using cu/ag as electrodes ...

1. if we use lemon juice as electrolyte ... will copper be oxidized ..?...wt would happen if we used nacl soln as electrolyte...?

化學友:
哈哈.....ag925 你條問題同上面嘅Wa一模一樣o架。你地係唔係同一個人o黎o架?定係你地讀同一間學校??? ag925,如果你唔明o個answer再問化學友丫。

2007年5月7日 星期一

回應

回應2

Schoolbag:
有條題我想問xIO3- + yI- + 6H+ ----->_I2 + _H2O

ANSWER:X=1 Y=5

我想知Y可吳可以系3?點解?

化學友:
schoolbag,化學友唸你當Y=3時,以為條equation係IO3- + 3I- + 6H+ --> 2I2 + 3H2O。

其實你睇漏左d o野啦,euqation除左elements要balance, charge都要balance。如果Y = 3,條equation d charge左右唔balance,左面係-2而右面係0,所以唔得呀。明白嗎?

回應2

小白:
多謝你既提醒,我還是複習一下數學吧。因為之前一直都是溫化學物理(其他碰到沒碰)。多謝你肯熱心解答,謝謝。因為我一直都猶疑如果中六是選物理還是選化學好= =

其實中六的化學真的能夠解釋到我們不明白的嗎?即是有些問題老師總是說中六才會教,我怕到時又變成中七才會教,中七問時便是大學才會學。從小學到中學一直都是這樣,有極多問題都是不斷推遲說遲些教,不斷累加心中的疑問,真是非常辛苦。我都沒再對了,因為我本來化學成績就不好,只是臨考前溫了清了一點concept而已。所以能夠合格已經心足了。

化學友:
小白,化學友好明白你嘅疑問(講真,化學友讀F4時都有你嘅唸法),e d o野非三言兩語講得完。咁啦,你會考後有時間化學友再同你慢慢discuss o下啦。

回應3

kino_watashi:
1. 謝謝你的答覆雖然不是很明白你說甚麼但是我在yahoo!知識就找到了關於C-C這樣的一個回覆:True.formation of various (organic) compound is of due to the effective sharing of electron giving a stable covalent bond.(for your reference)the uniqueness of formation long carbon compound is called catenation.this is due to the effective sp3-sp3 sigma overlap of hybrids in C-C and C-H bond, i.e. relative high bond strength and is quite inert to ordinary reaction. therefore, nearly infinitely long or even stable hydrocarbons with cyclic carbon skeleton is formed. chain hydrocarbon is generalized by a formula CnH2n+2still, unsaturated carbon chain can be formed since neighboouring sp2 carbons contributes to effective p-p pi overlap making its formation gives extra stability.compared with silicon(also in group IV), covalent radius of Si-Si is larger. electrostatic attraction between nucleus and bonding electrons are less stronger than that in C-C bond. this is verified by the fact that in Si-Si, sigma overlap is less effective after hybridization. Si can only undergoes catenation up to 5 members

2.我想問下chem mc 42(3) 的amino acid formation 是不是out of syllabus 了?????
如果我chem 85%~90%對, mc 有45/50, 能不能有A?????

3. 我想問下, mc 47是C 而不是D 呢????因為我覺得only one variable 而其他都要the same, 所以我選了D.請指出我concept 上的錯誤, 謝謝~~

化學友:
1. kino_watashi,化學友覺得你chem嘅根底都好好。睇左你forward yahoo!知識段字,其實同化學友嘅explanation同一原理,不過因為e d係AL concept,所以未必睇得明。anyway o個ans係B o架啦。

2. 講真,kino_watashi e條有少少out c喇,因為我地CE多數學嘅monomer係有兩個一樣嘅functional groups,但其實兩個functional groups可以唔同,而都可以做到condensation polymer。e 條其實同CE 2005 條關於PLA 嘅long question一樣,都係有兩個唔同嘅functional groups。

如果你真係得到e o個分就一定A啦,恭喜你呀。

3. mc 47其實好難o架,會考後化學友先答你丫。 add oil la

回應4

Tom:
HIHI~我第一次來的。我對近日教的chem有一些不明,希望你們幫幫手。在simple Cu-Ag cell中,為什麼不可以用CuSO4做electrolyte而要用AgSO4??

化學友:
Tom,CuSO4都可以做electrolyte o架,唔一定要AgSO4。

o向chemical cell裡面electrolyte係幫助conduct electricity,basically任何electroyte(e.g. NaCl)都可以用o向chemical cell裡面o架。只不過唔同electroyte會o向通電後係Ag electrode出唔同嘅products。

例如,
用CuSO4做electrolyte,Cu就會deposite o向Ag electrode

用AgSO4做electrolyte,Ag就會deposite o向Ag electrode

用NaCl做electrolyte,hydrogen gas就會o向Ag electrode evolve

至於點解有唔同 嘅products出,就要用electrochemical series先可以解到。化學友唸你阿sir/miss遲d會教o架啦。

Tom,如果仲有唔明,就留言比化學友啦。

回應5

Eymon:
Dear Sir, one of my classmates said that in one year, only 92% or above correct can get an A in Chem, is it true? In fact, if I get 86% correct in 07 CE, to the best of your experience, do you think that I can get an A or not? Please tell me as soon as possible, since I am very worried and nervous.

化學友:
eymon, sorry呀,咁遲先答你。每一年CE chem mc大約45 out of 50就A,當然有時有例外啦,例如前兩年要o岩成47條先A。但係簡單o黎講每一年on average你mc岩45條long question有73-4分,overall就一定有A。如果你今年mc+long question平均有86%,咁就肯定有A o架啦(e排化學友聽到有d考生話今年分卷容易,要o岩好多先A。化學友肯定咁講一定唔係lor,其實好多考生都唔知自己錯左,以為白己o岩)。唔使worried呀eymon,比心機prepare好d a. maths呀,加油!!!

2007年5月4日 星期五

點點回應

回應1

kino watashi:
Thanks~~

1. 我想問下, 為甚麼PVC 可以store concentrated sulphuric acid??? 聽說他們是有reaction 的.假設你mc 10 的答案對了, 為甚麼ethyl ethanoate 不可以store 在 expanded polystyrene container 呢?

2. mc 30 為甚麼第二條statement 不是第一條的正確解釋呢????

請賜教!!~~

化學友:
1. kino watashi,ethyl ethanoate係organic solvent,expanded polystyrene係會dissolve o向ethyl ethanoate。如果有機會,你可以試試將ethyl ethanoate加入expanded polystyrene cup,幾minutes後ethyl ethanoate變成白色,因為polystyrene dissolve左入去ethyl ethanoate到。

至於PVC係inert towards many chemicals例如conc. H2SO4。你可以睇睇2000 Paper II 38就明,PVC唔會同conc. H2SO4 react,佢只會soften at high temp。

2. Carbon can form a large number of compounds with long carbon chains嘅原因係因為C-C bond strong而唔係因為carbon atoms can share elctrons with one another。好多elements(例如Si)都可以share electrons with one another,但係就唔會form compounds with long Si chains因為Si-Si bond好弱。OK ma kino watashi?

回應2

Simon:
可唔可以解釋一下 07 chem mc 既第 5,26,27,39,42同第47題 ? 同埋 .. 我想問 .. mc 幾多分先肯定有C?萬分感激!!

化學友:
Simon,sorry ar,e排都係好忙,d mc遲一排再答你丫。

其實,如果有35條correct就一定有C o架啦,唔使太擔心。

回應3

wk:
你可否評論一下今年Alevel Chem 係深定淺?通常ALEVEL Chem 合格係幾多分?

化學友:
化學友覺得Paper I幾深呀,要考生對chem嘅concept好clear先答得到。Paper II就OK la,都應該可以得到一定分數。

wk,通常ALEVEL Chem有80分(out of 200分)就一定合格o架啦。

回應4

小白:
你好,我之前有問過你問題的,不知道你記不記得。之前上網對了是錯8題,對了你那個是錯了10題。可以解釋下那些問題的答案嗎?4,10*,21,30,31,33,36,38,41,51= ="另外,如果MC錯10題,長題目錯唔超過20分,有冇c = =?我連合格都唔肯定..錯好多....愈對先知愈多錯,一開始睇仲以為岩。

化學友:
化學友更係記得你啦。唔好意思呀,同Simon一樣化學友遲d再答你d mc丫。

小白,其實如果你真係得到e o個分就100%有C或以上,唔使驚呀。仲有呀小白,唔好再對啦,越對得多就會越發覺多錯o架啦,會影o向心情同埋跟住嘅subject嘅performance。相信化學友啦,你chem ok o架啦。

2007年5月2日 星期三

2007 CE mc

同學仔,今日考得好唔好呀?化學友覺得今年份卷都唔算容易,especially mc潻呀,對考生chem嘅要求都幾高,好易會做錯。化學友都有d students失手啦。剛剛見到有 discussion forum post左d mc answer出o黎,但係幾個forum嘅answer都有d錯。化學友決定post d correct ans 比你地睇睇:

1-10:
BDDBDDABDD

11-20:
ADACCBCBAA

21-30:
ACCBDBDCCB

31-40:
AABCDDADAA

41-50:
BDACDBCCBC

anyway,同學仔今日嘅chem已經過去啦,考得好唔好都要比心機prepare Eng同埋Mathso架啦,you should concentrate on your coming exam。(祝聽日要考econ嘅同學有好成績啦)

回應

chemson:
化學友覺得今年LQ,MC幾分先A到?難度怎樣?

化學友:
chemson,今年份卷都幾難。因為要拉curve,所以要改完先知幾多分有A。以住就大約mc 45條(out of 50條) long question 73-4(out of 90分)就A。不過,化學友覺得今年會低d o架啦。

2007年5月1日 星期二

回應(會考化學)

回應1

maryuen:
我想知道tin要比copper reactive ma?

化學友:
係呀Maryuen,tin係比copper reactive。
Reactivity series: Fe>Sn>Pb>Cu

回應2

ii:
請問chem ge past paper,98-04年ge mc 同paper1 有邊幾題係out c?thank you

化學友:
98 Paper I Q.3(a), 4, 6(a)(ii)(2)
99 Paper I Q. 7(b)(iv), Q8(b)(i),(iii)
2000 PaperI Q.5, Q.9(c)(ii),(d)
2001 Paper I Q.3(b), Q.8(b)
2002 Paper I Q.1(a), Q.3(a)
2003 Paper I Q.6(b)
2004 Paper I Q.9(c)(i)

98 Paper II 8, 35, 37, 50
99 Paper II 14, 23, 47, 49, 50
2000 Paper II 10, 26
2001 Paper II 13, 39, 48
2002 Paper II 4, 15, 25, 42, 50
2003 Paper II 4, 34, 47
2004Paper II 5, 19, 35, 50

回應3

Chemson:
1. 不好意思,還有一條問題06 LQ 最後果題,determine molar volume marking scheme話用excess HCl我答左excess Mg ribbon有冇分?

2. 我在某本ex.見到條問題,叫我寫equation+observation,chlroine water+iodine solution(i.e.iodine dissolve in potassium iodine)iodine dissolve in potassium iodine即係點?有I2(aq)定I-(aq)?還是兩個都有呢?

化學友:
1. 因為如果用咗excess Mg ribbon,係難d睇得出HCl係唔係完全用晒,因為任何時間都見到有Mg剩,所以呢個寫法唔係幾好,不過都有分。

2. chemson記住I2 dissolved in KI = I2(aq)。因為I2唔係好溶於水,要用potassium iodine增加佢嘅solubility(至於explanation係out c)。

回應4
虫:
除左CaCO3外燒CO3 2- compound既野會唔會出 CO2??

化學友:
會呀,所有metal carbonate都會 give CO2 under heating除左K2CO3同埋Na2CO3。

回應5

Kit:
你好: 我想請問 thermal decomposition的問題,有什麼carbonate salt,nitrate salt,sulphate salt will decompose on heating?Thank you very much!

化學友:
化學友已經係2007年4月12日 星期四嘅回應整咗個表俾同學參考喇,你去see see la。

回應6

Kwok:
1. is heat is needed for the production of NH3 from NH4+ + OH-?

2. 1991年mc第36題why substitution is considered as violent?

化學友:
1. 要呀,會考一定要heat或者warm。

2. 因為呢個reaction係有光情況下都幾勁,好快完成,所以都算violent。

心聲

各位留過言嘅而化學友仲未覆同學仔,對唔住呀,因為化學友由今朝到e家都同緊幾個需要幫助嘅學生衝緊CE chem,所以覆唔到你地。如果化學友今晚有時間一定會reply你地,但係如果reply唔到請你地見諒見諒。

Anyway,多謝你地支持。聽日成功呀!!!!:

會考化學(15)

最後係關於第九章湞測與分析,同學仔記住熟讀下面幾個表,好有用o架。化學友覺得聽日都好大機考detection同埋separation:









必睇pastpaper:
2001 Paper II 7
2002 Paper II 22
2003 Paper II 44
2004 Paper II 9
2005 Paper I 1
2005 Paper II 5
2005 Paper II 26
2006 Paper I 4
2006 Paper II 15

會考化學(14)

o向係第八章塑膠與清潔劑裡面,同學留意以下幾點。

1. 首先要記住塑膠嘅分類,總共有兩種:





可以參考以下嘅pastpaper:
2002 Paper I 8c
2005 Paper I 5
2006 Paper II 43
2006 Paper I 11

2. 各種treat plastic wastes(處理塑膠棄物) method (incineration焚化、landfill堆 田同埋pyrolysis熱解)嘅優、缺點 。可以參考以下嘅pastpaper:
1996 Paper I 7b
2003 Paper I 5
2004 Paper I 6c
(iii) Soap(肥皂)係由fat或者oil同埋NaOH製成(以前講過),Soapless detergent (非 皂性清潔劑)係由petroleum(石油)同sulphuric acid(硫酸) and sodium hydroxide化合而成 。可以參考以下嘅pastpaper:
1995 Paper I 9a
2001 Paper I 6a
2005 Paper II 32
2006 Paper II 42

會考化學(13)

o向七章有機化學(organic chemistry)裡面,同學仔要留意以下幾點。

1. 首先要記住e課提及過嘅唔同種類嘅organic compounds(有機化合物):


睇睇下面嘅pastpaper:
2001 Paper II 32
2005 Paper II 21

2. 要溫熟cracking process(裂解過程)、reaction condition(反應條件)、equation(方 程式)同埋e個reaction advantages(反應嘅優點) 。睇睇下面嘅pastpaper:
1999 Paper I 9b
2003 Paper I 7b
2005 Paper II 2

3. 記住各種pollutant(污染物)嘅cause(成因)、reducing method(減少方法)同埋 effect on human and environment(對人同環境影響) (注意呀increasing height of chimney (增加煙囪高度)係唔可以減少空氣污染)。 睇睇下面嘅pastpaper:
1999 Paper I 3
1999 Paper II 30
2001 Paper II 14
2003 Paper I 1b

4. 注意alkanoic acid(烷酸)同埋ester(酯)嘅關係,它們只係有相同嘅molecular formula(分子式),佢哋係唔同類型嘅compound,有唔同嘅reaction同埋 physical properties(物理性質),例如 b.p.



睇睇下面嘅pastpaper:
2000 Paper II 13
2003 Paper II 38

2007年4月30日 星期一

回應(會考化學)

回應1

pele159:

1. 請問 HCl(aq) & HCl(g)係咪compound ?

2. 地球最多的 element 係咪 oxygen ??地球最多的 metal咪 Iron ??

3. conc.H2SO4 + heat 係咪react cu ?Iron heat conc.H2SO4 係會出咩呀 ??

4. 係咪只有HNO3 stored in brown bottles ?

5. 其實而家應該做出面練習的mock 定係 redo 錯嘅野,溫下書好呀 ??

化學友:
1. HCl係covalent compound, (aq)同埋(g)只係代表唔同嘅states。

2. 地球最多嘅 element 係oxygen(之前寫錯,多謝網友指正)。地球最多嘅 metal係 aluminium。

3. Cu + 2H2SO4 --> CuSO4 + SO2 + 2H2O

Iron heat conc.H2SO4:
Fe + 2H2SO4 --> FeSO4 + SO2 + 2H2O

4. 除咗HNO3, 仲有AgNO3同埋KMnO4。CE chem大約知咁多就得o架喇

5. 化學友覺得你應該redo錯嘅野喇,同埋溫番dnote,唔好剩係做題目,會更有效。

回應2

pele159:
1. 86 Q.2The melting points of diamond, sodium chloride and potassium increase in the order:
A. diamond, sodium chloride, potassium
B. potassium, sodium chloride, diamond
C. sodium chloride, diamond, potassium
D. sodium chloride, potassium, diamond

請問 Metallic bond 和 ionic bond , 邊果melting points 大 d 呀 ?

2. 86 Q.38Bromine exists in two isotopic forms, 3579Br and 3581Br . The relative atomic mass of bromine is79.9. Which of the following statements is/are correct?

(1) The relative abundance of each isotopic form is about the same.
(2) The two isotopes have different numbers of protons.
(3) The two isotopes have different numbers of neutrons.
A. (2) only
B. (3) only
C. (1) and (2) only
D. (1) and (3) only

請問(1)點解arm 呀 ?

3. 87 Q.32(1) Nitrogen does not react readily with other elements or compounds.
(2) The outermost electron shell of the nitrogen atom is completely filled.

點解(1) 係arm 呀 ?? 乜Nitrogen 唔係covalent bond ?? 如果要does not react readily with other , 乜唔係 Noble gas 果d咩 ??

化學友:
1. 一般o黎講ionic bond強過metallic bond。所以ionic compound 嘅melting point 係高過metal。

2. 其實當年marking係錯o架。因為79Br有55%而81Br有45%,所以relative abundance is not about the same。

3. nitrogen(N2)內有nitrogen-nitrogen triple bond。化學反應時,需要好高energy才可以break nitrogen-nitrogen triple bond,所以佢係好少reaction,好unreactive。但係佢都有reaction嘅,例如: 3Mg + N2 à Mg3N2。

當然noble gases比N2 unreactive得多啦。

回應3

carmenlee:
你好,我有個chem既問題想問下OCl-會turn red litmus paper blue then white啦;咁H2SO3 turn完blue litmus paper red之後會唔會turn white?p.s.我見d solution都冇寫佢會turn white,但係SO3 2-唔係都bleach到野架咩?

化學友:
carmenlee,你係correct o架。但係SO32-嘅bleaching power比較mild,要long time先可以turn litmus paper white,所以ans只係寫即時observation。

回應4

sinying:
我想問下呢:alkonal加Na,CH3COOH加Na係唔係會都出H2??我睇書話佢地都係會出OH- ion,所以有H2放但咩唔係只係H+ion加Na先會出H2咩?OH-加Na為何出H2,而且CH3COOH唔係ACID來的嗎?咩唔係會出H+...........THX

化學友:
係呀,佢地會出H2 o架:

2CH3CH2OH + 2Na --> 2CH3CH2ONa + H2

2CH3COOH + 2Na --> 2CH3COONa + H2

sinying,化學友唸你睇錯o野喇。凡親一隻compound有H+或者hydroxyl group(-OH group 唔係OH- ion)就可以同Na react to give H2 o架啦。CH3CH2OH有 -OH group而CH3COOH有H+,所以有reaction。

2007年4月29日 星期日

會考化學(12)

係第五章Redox(氧化還原)裡面,同學仔記住要留意以下幾點:

1. 連接兩個half-cells(半電池)之間所用嘅salt bridge(鹽橋),目的嘅係容許half-cells內嘅ions(離子)互相通過。 睇睇下面嘅pastpaer:

1995 Paper I 9b
2004 Paper II 40
2006 Paper II 40

2. 好多時卷二都有條計氧化數同埋判斷邊條係氧化還原反應嘅mc,e兩年好多考生都錯,所以要小心。睇睇下面嘅pastpaer:

2005 Paper II 8
2006 Paper II 3
2006 Paper II 27

3. 如果我地想acidify potassium permanganate(酸化高錳酸鉀)或者係sodium dichromate(重鉻酸鈉) 所用嘅acid應該係dil. sulphuric acid (硫酸)。唔用HCl(aq)(氫氯酸) 嘅原因係MnO4-會oxidize(氧化)Cl-(氯離子)。 唔用HNO3(aq)(硝酸)嘅原因係HN
O3自已都係1隻oxidizing agent(氧化劑),佢嘅存在會同MnO4-或Cr2O72-爭住oxidize另一隻reducing agent,出現unexpected result。睇睇下面嘅pastpaer:

1999 Paper II 15

4. 比較Fe2+同埋Fe3+嘅difference:

Fe2+

colour: pale green(淺綠色)
+ NaOH: dirty green precipitate
+acidified KMnO4: pale green --> yellow

Fe3+
colour: yellow(黃色)
+NaOH: brown precipitate
+acidified KMnO4: no observable change

5. 解釋reaction係唔係redox, 只需寫出reducing agent(還原劑) 或者係oxidizing agent (氧化劑) 嘅 change of oxidation number (氧化數轉
變)。例如,2Na + Cl2 --> 2NaCl係redox,因為嘅O.N. of Na increases from 0 to +1 / O.N. of Cl decreases from 0 to -1。

6. 注意在electroplating(電鍍)裡,anode(陽極)、cathode(陰極)和electrolyte(電解質)嘅配搭。睇睇下面嘅pastpaer:

1993 Paper I 2a
1995 Paper II 11
1996 Paper I 9b


係第六章重要嘅工業產品裡面,同學仔要留意以下幾點:

1. Chlorine(氯氣)溶係NaOH係一個redox reaction(氧化還原反應),而最重要係Cl同一時間 oxidized同埋reduced。

Cl2 + 2NaOH --> NaCl + NaOCl + H2O

Cl嘅O.N.changes from 0 to -1(Cl2--> NaCl)
at the same time Cl嘅O.N. changes from 0 to +1(Cl2 --> NaOCl)

睇睇下面嘅pastpaer:

1997 Paper II 21
1999 年 Paper II 36

2.
compare chlorite ion(次氯酸根離子)同埋sulphite ion(亞硫酸根離子)作為bleachingagent(漂白劑)嘅分別:



睇睇下面嘅pastpaer:

1998 Paper II 32
2001 Paper I 9d
2005 Paper II 17

3. Conc. sulphuric acid(
濃硫酸)同dilute sulphuric acid(稀硫酸)不同嘅特性。只有conc. sulphuric acid有 oxidzing property同埋dehydrating property,而di. sulphuric acid就冇。

Oxidizing(氧化性) of conc. sulphuric acid:
Cu + 2H2SO4
--> CuSO4 + SO2 + H2O

C + 2H2SO4
--> CO2 + SO2 + 2H2O

S + 2H2SO4
--> 3SO2 + 2H2O

Dehydrating(
脫水性) of conc. sulphuric acid:

CuSO4
.5H2O --> CuSO4 + 5H2O

C12H22O11
--> 12C + 11H2O

(C6H10O5)n
--> 6nC + 5nH2O

4. conc. sulphuric acid同埋dil. sulphuric acid都有嘅相同特性。

同alkali solution(鹼溶液) react:

H2SO4 + 2NaOH
-->Na2SO4 + 2H2O

同carbonate salt(碳酸鹽)嘅反應:

H2SO4 + Na2CO3
--> Na2SO4 + CO2 + H2O

睇睇下面嘅pastpaer:

1998 Paper I 8a
1999
Paper II 7
2001 Paper I 9c

5. o向計算molar volume(摩爾體積)時,要留意以下兩點

i. 在same no. of moles(相同的摩爾)下,gas嘅體積比liquid同埋solid大好多,所以記住一mole N2同一moleNaCl或者一moleH2O嘅volume係唔同。睇睇下面嘅pastpaer:

1998 Paper II 46
2000 Paper II 48

ii. 留意計diatomic gas molecule(雙原子氣體分子)時,係問atom(原子) 定係問molecule(分子),d考生成日都wrong o架。睇睇下面嘅pastpaer:

2001 Paper II 27


回應(會考化學)

回應1

Sinying:
1. 我想問下呢~detergent 的hydrolysis.係唔係有得用H2SO4用NaOH架??兩種有D咩分別??
唔該哂

2.係sacrificial potection 裏,如Zn用來protect Fe,我想問Zn會唔會oxidize 同oxygen 會唔會form around Zn??

3.ZnO + hydroxide ion係會出d咩? ZnO又唔會溶水,有冇REACTION,仲會唔會redissolve架??

超級thanks

化學友:

1. 唔係o架。只有NaOH + fat/oil先會做成soap,H2SO4係唔得o架。你可以睇o下下面化學友回應pele159嘅回應丫。化學友比多兩條equations你睇,可能會更易明:


2. Sacrificial protection 係用Zn 代替 Fe loss electrons變成Zn2+,而oxygen and water react形成OH-,Zn2+會同OH-react生成zinc hydroxide around zinc。

3. e條有少少out c o架。ZnO同Zn(OH)2一樣會redissolve in excess OH-生成Zn(OH)42-

Maryuen:
我想知道關於alcohol的什麼是thinning of blood?
它跟being less rpone to heart attack有什麼關係??

化學友:
正式嘅解釋化學友都唔敢肯定,大致係指alcohol可以溶解blood裡頭嘅fat,令到blood嘅viscosity降低(即係令d blood冇咁黏)。如果dblood黏,可能會引至血管閉塞,咁就會有heart attack。

回應(會考化學)

回應1

pele159:
1. 請問寫essay 洗唔洗寫 equation ??

2. Preparation of sulphuric acid係咪 Contact process ??

3. 如果想整 Conc. Nitric acid 可以點整呀 ?

4. 請問係咪有個新方法整 soap ( acid hydrolysis of fat or oil ) ?

Fat/oil + water <=> fatty acids + glycerol

5. 整soapless detergent 係咪要 conc.H2SO4 & NaOH 呀 ??

6. 你上次答NaOH同hydrolysis裡面形成嘅carboxylic acid neutralize生成salt of carboxylic acid(即係soap) 咁我英文可以點答呀 ??

7. 請問點解 soap 係 alkaline ( 佢又冇OH-ion ) ?

化學友:
1. 寫essay 係唔洗寫 equation,因為essay係考communication skill (傳意技能),以文字表達chemical knowledge。除非係題目要求,平日係唔使寫equation嘅,仲要記住唔好以point form寫出,真係會扣分o架。

2. 係呀,整sulphuric acid嘅industrial process係指Contact process(接觸法)。

3. 整conc. nitric acid嘅industrial process已經out c喇,不過都俾你參考吓啦!

首先係catalytic oxidation of ammonia (氨嘅催化氧化),用Cu or Pt做catalyst。

4NH3(g) + 5O2(g) -->4NO(g) + 6H2O(g)

跟住NO再同空氣中嘅O2react生成NO2

2NO(g) + O2(g) --> 2NO2(g)

最後dissolve NO2落水就製成HNO3

4NO2(g) + O2(g) + 2H2O(l) --> 4HNO3(aq)

4. 唔係呀pele159,fatty acid係唔同soap,fatty acid係 carboxylic acid,佢唔溶於水。而soap係ionic compound,佢溶於水先至有清潔效能。

化學友估你可能同ester 嘅acidic or alkaline hydrolysis撈亂咗,無錯fat/oil係ester,佢哋係可以carry out acidic or alkaline hydrolysis。但係當fat/oil carry out acidic hydrolysis,就只會出咗隻唔溶於水嘅fatty acid,呢隻compound係唔會有cleaning power。如果fat/oil carry out alkaline hydrolysis,就會出soap。

5.係呀,petroleum fraction + conc. H2SO4,然後加入NaOH,就會做成soapless detergent。

6.
pele159,睇吓咁樣寫O唔OK: NaOH neutralize the carboxylic acid formed to give sodium salt of carboxylic acid which is the soap.

7.
因為當soap溶咗落水,佢會同水有化學化應生忒OH-。雖然條equation out c,但係都寫比你睇下啦: RCOO- (soap) + H2O <=> RCOOH + OH-

回應2

Maryuen:
1. 化學友,我想知道怎麼看CH3CO2H->CH3CH2OH的oxidation no.?? oxidation no.是什麼??

2. 1998 5: how to use the test tube given? wt is the answer in the marking scheme?

3. 7aiii3: why ethanol can dissolve unpolymerized monomer (vinyl chloride)?(joint us answer)

4. 7bii3: PVC is not suitable for making electric socket since the current pass through it will produce heat and melt it??

5. 9aiii: how to write the equation with [O] for the reaction between propan-1-ol and acidified potassium dichromate solution?

6. 9avi1: State TWO observable changes when the contents of the test tube (ester) were added to the sodium carbonate solution.

can i write a thin colourless layer form on top of the sodium carbonate solution??

化學友:
1. 要計到e d oxidation no. 需要d F.6 嘅concept。 化學友記得e條係pastpaper mc,其實你可以simple d 咁睇: CH3CH2OH --> CH3COOH (ethanol --> ethanoic acid)係oxidation,所以CH3COOH --> CH3CH2OH就係相反嘅reduction。

2. d
test tubes 係用o黎裝d chemicals嘅(例如2M hydrochloric acid and 2M nitric acid) 。

3. 因為vinyl chloride同埋ethanol都係organic compounds,化學友唸你老師應該教過'like dissolves like'嘅concept,所以ethanol可以dissolve vinyl chloride。

4.
正確d o黎講係防止火警時高溫會 melt 咗d PVC,咁copper wire外露會非常dangerous,引至explosion或漏電。

5. maryeun,你係唔係想問e絛equation:
CH3CH2CH2OH + [O] à CH3CH2COOH ?

6. 係可以o架,因為ester係insoluble in water,而且浮o向水面。

2007年4月28日 星期六

回應(會考化學)

回應1

Yin ni:
我mc卡住係30-35 ge range
係呢3日有咩方法可以提升呢?
做左97-05pp 了
做多次有效嗎?

化學友:
yin ni,30 - 35條mc大約得到C-D grade。化學友suggest你將所有錯嘅mc再做多幾次(唔使全部再做,冇咁多時間o架啦),你應該會發覺成日都係錯類似嘅o野,o個d就係你嘅弱項,會令你mc一路冇乜進步。主攻改善弱項應該會令你有明顯嘅improvement。跟住去明報o個website download幾份mock做practice丫:

http://life.mingpao.com/htm/hkcee2007/cfm/main1.cfm

化學友覺得咁樣會最effective。盡力啦yin ni,化學友以前有d學生mc都係卡住o向30-35,但係佢地跟住
化學友講嘅咁做,最後都得到B。

回應2

Cathy:
我想問有關1998年既paper1既6ai/2
唔係standard solution放係burette到咩???我想知邊樣放係burette同conical flask呢???

化學友:
Cathy,standard solution一定要放o向burette到係好多年前嘅做法,e家standard solution可以放o向burette或者conical flask都得o架。

回應3

小白:
您好,有些問題想問您:

Q1在會考中,泡騰現象是否專來形容生成二氧化碳氣體。

Q2Ca(OH)2,CaCO3,它們是微溶於水,但寫化學式時卻有時是(s),有時是(aq)....怎麼區分。還有...是不是只有Mg跟Ca會微溶於水??

Q3:除了氮外還有甚麼氣體不溶於水,所有貴氣體?(會考程度)

Q4:溴與碘溶液作電解時,只有極稀濃度時才不會優先放電嗎?還是說稀時也不能= ="?

Q5:鍚還是鐵活潑?錫與鋅還有甚麼分別(除了鋅有毒),因為做了一題MC說鍍錫不宜作防止鐵船生銹,但鋅卻可以。

Q6:為甚麼肥皂容易被生物降解,不是說只有沒有支鏈才容易被生物降解嗎?但肥皂必定沒有支鏈的嗎?

Q7:金屬氧化物加熱能夠生生成氧氣的就只有汞(II)嗎?銅的煅燒跟直接加熱有甚麼不同嗎?

化學友:
1. 唔係呀。凡親一個reaction出好多gas bubbles就叫做泡騰(effervescence)。所以Ca+ 2H2O ---> Ca(OH)2 + H2 都可以叫泡騰。

2. 小白,其實(aq)同埋(s)都correct。如果你e家覺得唔知幾時寫(aq)或者(s),化學友suggest你CE chem時唔好寫state symbol,因為唔會扣分o架。

Metal當中只有K, Na同埋Ca會溶水(佢地同水react產生metal hydroxide,而metal hydroxide溶o向水到),其他metal唔會溶水。

3. H2, N2, CO同埋所有
noble gases(貴氣體):唔溶水
O2, CO2, Cl2: 少少溶水

4. 其實你做街
外買嘅exercise時,有時唔知幾時會出I2幾時會出O2。但CE chem會好明顯: conc. NaI就出I2,至於very dil. NaI就出O2。dil. NaI就有時出I2,有時出O2,但條question會明示想你寫邊o個答案。

5. Zn(
鋅) is more reactive than Fe而Fe is more reactive than Sn(錫) (活潑性:Zn>Fe>Sn)。
因為防止鐵船生銹係用sacrificial protection(犧牲性保護),所以一定要用一隻活潑過Fe嘅metal例如Zn做protection。

6.小白你完全correct呀。只有冇
支鏈嘅先容易被生物降解,而所有肥皂一定冇支鏈o架。

7. 仲有Ag2O遇埶會生成氧氣呀(2Ag2O --> 4Ag + O2)。Cu直接加埶生成CuO (2Cu + O2 --> 2CuO)。而Cu metal冇煅燒o架,煅燒(roasting)係形容化合物o向空氣度加熱,Cu metal係elemnt,所以冇煅燒。

明白嗎小白?

會考化學(11)

係第三章Metal(金屬)裡面,同學仔要留意以下幾點。

1. Ca放在進水裡嘅observation: Ca沉於水及有colourless gas釋出,記住絕無brick-red flame(磚紅色火焰),只有Na同埋K遇水先會有yellow同埋lilac flame。留意下面
嘅pastpaper:

200o paper I 9a
2003 paper I 2
2004 Paper I 1
2000 Paper II 33

2. 會考寫equation唔使寫state symbol,唔會扣分。(除非條題寫明要寫state symbol)

3. Anodized aluminium(陽極氧化鋁)只會加強corrosion resistant (抗腐蝕 性),並唔會加強佢嘅strength。同埋鋁嘅usage係同佢係最高蘊藏量無關。
留意下面嘅pastpaper:

1993 Paper I 1a
2001 Paper I 5
2005 年 Paper II 48



係第四章Acid and base(酸和鹼)裡面,同學留意以下幾點:

1. 測試ammonia(氨)的方法:NH3能將moist red litmus paper(濕潤的紅色石蕊 試紙)轉為blue(藍色)。
留意下面嘅pastpaper:

2005 年 Paper I 12
2006 年 Paper I 4

2. Metal ions+ hydroxide ion (from NaOH或者NH3) --> precipitation 。e種reaction叫做precipitation reaction(沉澱反應)

Equation Colour of precipitate
Zn2+(aq) + 2OH-(aq) --> Zn(OH)2(s) white
Pb2+(aq) + 2OH-(aq) --> Pb(OH)2(s) white
Al3+(aq) + 3OH-(aq) --> Al(OH)3(s) white
Cu2+(aq) + 2OH-(aq) --> Cu(OH)2(s) blue
Fe2+(aq) + 2OH-(aq) --> Fe(OH)2(s) dirty-green
Ni2+(aq) + 2OH-(aq) --> Ni(OH)2(s) bluish-green
Fe3+(aq) + 3OH-(aq) --> Fe(OH)3(s) brown
Cr3+(aq) + 3OH-(aq) --> Cr(OH)3(s) green

仲有Al(OH)3, Zn(OH)2 and Pb(OH)2 dissolve in excess NaOH,而Zn(OH)2同埋Cu(OH)3 dissolve in excess NH3。
留意下面嘅pastpaper:

2001 年 Paper I 2b
2003 年 Paper I 8b
2005 年 Paper I 4c

3. Cu同alkanoic acid(烷酸)、dilute hydrochloric acid(稀氫氯酸)同埋dilute sulphuric acid (稀硫酸)係冇化反應o架(d考生一考試就成日錯o架啦)。留意下面嘅pastpaper:

2005 年 Paper I 3b
2005 年 Paper II 38

4. Acid-base titration (中和滴定) 嘅mole calculation (摩爾計算題)同埋 experimental procedure(實驗過程)。差唔多年年都考。
留意會考化學(7)。

5. 當然仲有rate of reaction啦,今年大機呀。留意會考化學(7)。

會考化學(10)

今日開始想同同學仔講吓每個Chapter重要嘅位,唔好睇小e d points呀,如果同學仔守住e d points唔錯嘅話,可能可以攞高一個grade。

係第一章大氣(atmosphere)裡面,同學會對熔點、沸點與物質三態嘅關係都會容易混淆,所以係會考成日出o架。

熔點(melting point)係指物質由固態轉成液態嘅溫度(solid --> liquid)。如果果樣物質嘅熔點係高過25°C,佢就係固體o黎。

沸點(boiling point)係指物質由液態轉成氣態嘅溫度(liquid --> gas)。如果果樣物質嘅沸點係低過25°C,佢就係氣體o黎。

如果25°C係位於果樣物質嘅沸點同熔點之間,佢就係液體o黎。

你可能會覺得化學友咁淺嘅o野都講,有冇攪錯呀。但係化學友發覺每次考e樣o野,d同學仔就勁錯wor。想知自已識唔識,就做下面幾條mc丫,其中有d係奸奸地:

1. 2004 PaperII 29

2. 2005 Paper II 3

3. 2006 Paper II 6

另外一樣要留意就係問過裝石灰水Ca(OH)2果樽口果d白色固體係咩黎? 答案就係CaCO3。係由於石灰水同空氣嘅CO2反應而成(Ca(OH)2 + CO2 -->CaCO3 + H2O)。睇吓e條mc
2004 Paper II 11。

至於第二章Microscopic world(微觀世界)裡面,同學仔記住留意下面幾點:

1. Definition of isotopes(同位素定義) - Atoms of same element which have the same number of protons but they have different number of neutrons. (相同元素內的不同原子,它們之間有相同的質子但有不同的中子數目。)


2. 留意1998 Paper II 1同埋2002 Paper II 1,關於electronic arrangement (電子排佈),有d tricky。

3. 留意1998 Paper II 33、1999 PaperII 11同埋2001 Paper II 18,佢地好相似o架,係關於structures and properties,有機會番炒。

4. 留意一d平日o向書本甚少見到嘅化合物嘅電子結構圖畫法。例如:S2Cl2 and H2O2(d考生成日畫錯e兩個圖o架:

2007年4月27日 星期五

會考化學(9)

頭先收到Clara電話(化學友嘅F5學生,佢成績一向都好好),佢話好擔心,因為做左成七,八份mock exercise,long question就做得幾好,但係mc一般就只係o岩得43條左右(一般o黎講,CE chem mc最少要o岩45條先會A)。其實clara太擔心o者,化學友對佢就好有信心喇,佢應該會A嘅。因為好似2006年咁,化學友就只係得14個學生o向mc獲A,但係turn out出o黎就有21個人A,類似現象2005同埋2004都一樣。咁即係話,化學友獲A嘅學生o向long question嘅表現足以compensate左mc嘅失分。所以,同學仔記住要用多d時間practise long question,因為long question對你得到乜o野grade比mc重要得多。(同學仔可能會問點解化學友會知有幾多人mc獲A。其實每間學校每年比少少$,就可以知道學生o向會考每科mc嘅表現。)